Romani chib
O Region Stockholm isi olje odgovornost te arakhi hem te barjačeri o nacionalna minoritetija hem o minoritetna čhibja ki Švedska. Tu so pripadineja ko dijekh kotar o nacionalna minoritetija isi tut specialno pravo ki čhib hem ki kultura.
Kotar o berš 2010 važini o zakon(2009:724) baš o nacionalna minoritetija hem o minoritetna čhibja ki Švedska. O zakoni vačeri so amen sar regioni isi amen odgovornost te arakha hem te barjačera o nacionalna minoritetna čhibja. Isto ađahare amen mangaja te da šansa o nacionalna minoritetija te oven inkludirime ko pučiba hem diskusije baš o minoritetija.
5 nacionalna minoritetija ki Švedska tane o Jaudije, o Roma, o Samer, Švedsko-Fincija hem o Tornedalincija. O nacionalna minoritetna čhibja ki Švedska tane jidiš, romani čhib, samisko čhib, finsko čhib hem meänkieli. Okova so isi oljen sarine barabar o minoritetna grupe tano so but berša sa akala grupe beštinđe jekh but baro vakti ki Švedska hem so ko but avera načinija pripadinena zajedno. Akala grupe isi oljen but baro kulturno hem čhibjakoro barvaljipe, hem mangena po identiteti te arakhen hem te barjačeren.
O Region Stockholm kotar o berš 2010 tano administrativno than baš i finsko čhib, hem kotar o berš 2019 baš i samisko čhib hem meänkieli. Odova značini so amen isi amen odgovornost te ponudina e manušenđe šansa so bešena akate te komunicirinen ki pi čhib, znači ki finsko čhib, ki samisko čhib hem meänkieli ko situacije kaj so osetinena so valjani te koristinen pi čhib.
Dokumenti baš i regionsko buti ki minoritetno politika
- Programi baš o konstans
- Strategia baš o konstans
- Norme baš o konstans
Zakon baš o minoriteti – to pravo
O zakon (2009:724) baš o nacionalna minoritetija hem o minoritetna čhibja startirinđa ko datum 1to Januar 2010. O zakon valjani te del jekh osnovno zaštita baš o nacionalna minoritetija hem pravo te koristinen pi čhib ko administrativno thana ki finsko čhib, ki samisko čhib hem meänkieli.
Ko Januar e beršeste 2019 akava zakon renovirinđa pe sebepi o pravo baš o nacionalna minoritetija te ovel pozoralo. Akava nevo zakoni anđa pe ko Švedsko parlamenti.
